Təqribən üç-dörd gün bundan öncə redaksiyamızın elektron poçtuna Şəmkir rayonu Qılıncbəyli kəndində sahibkarlıq fəaliyyəti ilə məşğul olan Rüstəmov Kəramət Şəmməd oğlu və adı çəkilən şəxsə məxsus istixanada çalışan 40 nəfər işçi tərəfindən müraciət daxil olub.

Onlar ünvanladıqları müraciətlərində qeyd edirlər: “Bu gün 01 aprel 2020-ci ildir və 40 ailənin üzvü olaraq son çıxış yolumuz cənab İlham Əliyevə müraciət etməkdir. BU VİDEO 2015-Cİ İLDƏ ÇƏKİLSƏ DƏ, OXŞAR VƏZİYYƏT YENƏ DƏ DAVAM ETMƏKDƏDİR. ONA GÖRƏ DƏ, AZƏRBAYCAN RESPUBLİKASI PREZİDENTİ CƏNAB İLHAM ƏLİYEVƏ MÜRACİƏT EDİRİK. CƏNAB PREZİDENT! SİZƏ MƏTBUAT VASİTƏSİLƏ MÜRACİƏT EDİRİK Kİ, BİZƏ KÖMƏKLİK EDİN. SİZ BÜTÜN ÇIXIŞLARINIZDA DEYİRSİNİZ Kİ, “MƏNƏ MƏKTUB YAZIN, MƏNƏ MƏLUMAT VERİN”.

“Azəriqaz” sahibkarı təhdid edir

Qeyd: Şəmkir rayonu Qılıncbəyli kəndində sahibkarlıq fəaliyyəti ilə məşğul olan Rüstəmov Kəramət Şəmməd oğlunun 5,5 ha sahəsi olan istixanasının mavi qaza görə borcu var və ona “AZƏRİQAZ” İB-nin əməkdaşları tərəfindən üç gün müddətində mavi qazın dayandırılacağı haqda xəbərdarlıq olunub. İstixanaya verilən mavi qazın dayandırılması 5,5 ha sahədə yetişdirilən pomidor və xiyar məhsullarının məhv olması, sahibkarın isə müflis vəziyyətə düşməsi demək olacaq. Çünki, gecələr temperatur 7-10 dərəcəyə kimi aşağı düşür. Məhsul aprel ayının son günlərində yetişəcək və əldə olunan gəlirlər hesabına həmin vaxtdan borcun ödənilməsinə başlanılacaq. Təkcə 2019-cu ildə istixanadan əldə olunan gəlirlər hesabına “AZƏRİQAZ” İB-inin hesabına 421.057 (dörd yüz iyirmi bir) min manat qaz pulu ödənilib. Prezident İlham Əliyevin tapşırıq və tövsiyələrini, OPERATİV QƏRARGAHIN qərarlarını nəzərə almayan “AZƏRİQAZ” İB-i, bugünkü vəziyətdən sui-istifadə edib istixanaya verilən mavi qazı dayandırmaq, 40 nəfər işçini, həmçinin onların ailə üzvlərini də ac qoymaq niyyətindədir. Şikayətçilər aidiyyəti qurumlara müraciət edirlər ki, onlara lazımi dəstək göstərilsin. Mob: 051-673-24-62

“Azəriqaz” sahibkarı təhdid edir

Bu gün sahibkarlıq əhəmiyyətli sahə olsa da, Şəmkirdə buna əhəmiyyət verilmir

Hal-hazırda ölkəmizdə sahbkarlığın müxtəlif sahələri ilə məşğul olan neçə-neçə şəxslər var ki, onlar həm ölkə iqtisadiyyatının inkişaf etdirilməsində, həm də əhalinin gündəlk ən zəruri mallar olan ehtiyaclarının təmin olunmasında yaxından iştrak edirlər. Bu gün sahibkarlıq fəaliyyəti ilə məşğul olan şəxslərdən biri də, Şəmkir rayonu, Qılıncbəyli kənd sakini Rüstəmov Kəramət Şəmməd oğludur. Adı çəkilən bu şəxs neçə illərdir ki, belə bir fəaliyyət növü ilə məşğul olsa da, Gundemxeber.Az-ın əldə etdiyi məlumata görə hal-hazırda o, olmazın problemlə üz-üzə qalıb. Problemə səbəb “AZƏRİQAZ” İB-i ilə, Kəramət Rüstəmov arasında əmələ gələn anlaşılmazlığın varlığıdır. Belə ki, bu şəxsə məxsus 5,5 ha sahəsi olan istixanada əsasən pomidor və xiyar yetirşdirilir. Hal-hazırda sahibkarlıq fəaliyyəti ilə məşğul olan Kəramət Rüstəmovun, sahiblik etdiyi istixanada mavi qazdan istifadəyə görə xeyli məbləğdə borcu əmələ gəlib. Belə bir səbəb üzündən də, təqribən üç-dörd gün bundan öncə “AZƏRİQAZ” İB-i, Şəmkir Regional Qaz İstismar İdarəsinin əməkdaşları istixanaya gəlirlər və mavi qazın dayandırılacağı haqda Kəramət Rüstəmova öz xəbərdarlıqlarını çatdırırlar. Onu da qeyd edək ki, əgər Şəmkir Regional Qaz İstismar İdarəsinin əməkdaşları tərəfindən belə bir addım atılarsa, o halda 5,5 ha sahəsi olan istixanada yetişdirilən pomidor və xiyar məhsullarının hamısı məhv olacaq, sahibkar Kəramət Rüstəmov isə, tamamilə müflisləşəcək. Çünki, gecələr elə hallar olub ki, temperatur 7-10 dərəcəyə kimi aşağı düşüb.

“Azəriqaz” sahibkarı təhdid edir

O da hər kəsə bəllidir ki, Şəmkir rayonu ərazisindəki istixanalarda pomidor və xiyar məhsulları aprel ayının sonuna kimi yetişir. Həmin vaxtdan məhsulların satışı başlayır və satışdan əldə olunan gəlirlərlə, məhz sahibkarlar mavi qazdan istifadəyə görə yığılmış borcları ödəməyə başlayırlar. Diqqəti o məqama da yönəldək ki, sahibkar Kəramət Rüstəmov təkcə 2019-cu ildə “AZƏRİQAZ” İB-inin hesabına 421.057 (dörd yüz iyirmi bir) min manat ödəniş həyata keçirib. Yəni, əldə etdiyimiz şifahi məlumatlara görə digər rayonlarda olduğu kimi Şəmkir rayonu ərazisində də, sahibkarlarla Şəmkir Regional Qaz İstismar İdarəsinin əməkdaşları arasında belə bir razılaşma əldə olunur və əmələ gələn borclar məhsul satışı həyata keçirildikdən sonra ödənilir. “Gundemxeber.Az saytının əldə etdiyi məlumatlara görə, bu gün Şəmkir Regional Qaz İstismar İdarəsinin əməkdaşları sahibkar Kəramət Rüstəmova qarşı bir növ höcətlik edir və onu mavi qazın dayandırılacağı hədəsi ilə hədələyirlər. Onu da qeyd edək ki, həmin istixanada təqribən 40 nəfər işçinin çalışdığı bildirilir. Əgər istixanaya verilən mavi qazın dayandırılması baş verərsə, o halda nənki sahibkar zərər çəkəcək, hətta işçilərin ailə üzvləri də ac qalacaqlar. Çünki, işçilər ailə üzvlərinin dolanışığını istixananın fəaliyyət göstərməsi səbəbindən təmin edə bilirlər.

Bir faktı da qeyd edək ki, cənab Prezidentin 19 mart 2020-ci il tarixli fərmanı ilə Koronavirusla Mübarizəyə Dəstək Fondu yaradıldı. Bu fondun vəsaitlərinin formalaşması mənbələri sırasında dövlət büdcəsi ilə yanaşı, fiziki və hüquqi şəxslərin könüllü ödəmələri də yer aldı ki, həmin ödəmələrin həyata keçirilməsində sahibkarlar daha fəallıq nümayiş etdirdilər. O da hər kəsə bəllidir ki, cənab Prezident hər zaman, xüsusilə də ən çətin vaxtlarda hər bir Azərbaycan vətəndaşından öz diqqət və qayğısını əsirgəmir, sahibkarlara, özəl sektorun inkişafına lazım olan dəstəyini də göstərir. Bəli, ölkə sahibkarlarının belə bir vaxtlarda öz səylərini, təşəbbüslərini birləşdirmələri, Koronavirusla Mübarizəyə Dəstək Fonduna dəstək olmaları, dövlətimizlə həmrəy olduqlarını nümayiş etdirmələri və s. olduqca alqışlanan addımlardandır.

O halda sual oluna bilər ki, indiki vaxtda “AZƏRİQAZ” İB-i, Şəmkir Regional Qaz İstismar İdarəsi əməkdaşlarının sahibkar Kəramət Rüstəmova qarşı belə bir yanaşma ortaya qoymalarının kökündə nələr durur? Bir tərəfdə ölkə rəhbəri cənab İlham Əliyev sahibkarlara qarşı həssaslıq nümayiş etdirir, yerli vəzifə sahiblərinə lazımi tapşırıqlarını verir, digər tərəfdə isə, 40 nəfər işçinin işlə təmin olunmasına, onların ailə üzvlərinin dolanmasına şərait yaradan sahibkar “gözümçıxdıya salınır”. Ona görə də həm sahibkarlıq fəaliyyəti ilə məşğul olan Kəramət Rüstəmov, həm də qeyd olunan istixanada çalışan 40 nəfər işçilər, üz-üzə qaldıqları belə bir problemin həllində aidiyyatı dövlət qurumlarından, ələlxüsus ölkə rəhbəri cənab İlham Əliyevdən onlara köməklik göstərmələrini xahiş edirlər.
Mövzunu diqqətdə saxlayacağıq. //gundemxeber.az//


Paylaş: