Milli Fədailər Hərəkatının sədri Fuad Muradovun qardaşı Rəhman Muradov ölkə başçısı İlham Əliyevə müraciət edib.

regionxeberlericom.az Reaksiya.TV-yə istinadən xəbər verir ki, Fuad Muradovun şəhid ailələrini təhqir etdiyini deyən Rəhman Muradov qardaşını Prezidentin keçmiş köməkçisi Əli Həsənovun müdafiə etdiyini bildirib. O, həmçinin qardaşının bu əməlinə görə cəzalandırılmasını istəyir.

“Qardaşım Fuad Muradovun şəhid ailələrini təhqir etməsi barədə sosial şəbəkələrdə müzakirələr aparılır. Fuad Muradov ağzına gələni danışır. Şəhid sözü olan yerdə heç bir müzakirə olmur. Şəhidin müxalifəti, iqtidarı olmur. Şəhid bu vətən üçün, bu torpaq üçün canından keçib.

Fuad Muradov heç tanınmırdı. Bir QHT sədri var idi, Arzuman Abdulkərimov, onun yanında idi. Özü də deyirdi ki, Fuadı mən yetişdirmişəm. Arzuman Abdulkərimovla birgə olandan sonra silahla fotoları çıxdı. Ona Əli Həsənov dəstək verdi. Nə etmək istəyirdilər, Fuaddan nə düzəltmək istəyirdilər? Fuad Muradovdan biz ailə olaraq imtina etmişik. Şəxsən mən öz adımdan deyirəm ki, belə qardaşım yoxdur. Qardaş qardaşla fəxr eləməlidir. Amma belə qardaşla heç kim fəxr edə bilməz. O öz adından danışa bilər. O, bizim əslimizə, nəslimizə ləkə yaxmaqla məşğuldur. Artıq ölkə başçısına və müvafiq qurumlara etmişəm. Artıq buna “dur” demək lazımdır”, - deyə Rəhman Muradov bildirib.

Məlumat üçün deyək ki, Fuad Muradov və Rəhman Muradov Qarabağ döyüşçüsü “Qazaxlı Alik” kimi tanına, Alik Muradovun övladlarıdır.


Paylaş: