Keçən ilin son aylarından etibarən ölkədə kardinal dəyişikliklər həyata keçirilir. Qeyd edək ki, birbaşa olaraq cənab Prezident İlham Əliyevin rəhbərliyi altında cərəyan edən yenilənmə prosesi sırf olaraq inqilabi xarakter daşıdığından müəyyən təbbi fəsadların müşahidə oluna biləcəyi istisna edilmir. Yəni burada söhbət hansısa radikal dəyişikliklər fonunda ortaya çıxa biləcək neqativlərdən gedir ki, bunda da dövlət rəhbərliyinin qətiyyətli və israrlı mövqeyi istənilən bir sürpriz xarakterli olayların önlənməsində müstəsna faktor kimi çıxış etməkdədir.

Elə son olaraq rayon icra hakimiyyəti başçılarına qarşı müşahidə olunan barışmaz mövqe də “yuxarıların” hansı dərəcədə ciddi olmalarının sübutu kimi qəbul oluna bilər. Amma əslində, bu kimi halların davamlı olmaması daha çox təbiilik xarakterində idi. Yəni düşünülürdü ki, məsələn, Ağstafadak səs-küylü həbslər artıq digərləri üçün siqnal rolunu oynayacaq. Amma görünəni odur ki, bu, belə olmadı və yenə də həbs olunan icra başçıları seriyası davam etməkdədir.

Qeyd edək ki, burada hədəf təkcə icra başçısı institutu deyil və prosesin çoxşaxəli olacağı, dövlətin bütün idarəetmə aparatın əhatə edəcəyi də aşkar şəkildə görünməkdədir. Artıq bunun ilkin simptomları da müşahidə olunur. Nələr baş verə bilər?

Xatırladaq ki, Prezident İlham Əliyev yeniləşən siyasi dəst-xəttində bəzi köhnə kadrlara da üstünlük verdi ki, bu da onların peşəkarlıqlarına güvənməkdən daha çox, bəzilərinə yenidən şansın verilməsi kimi dəyərləndirilməli idi. Həmin kadrlar arasında Cavid Qurbanov, Səfər Mehdiyev və digərləri də var ki, onlar əslində köhnə eşalona aid olsalar da, yeniləşmiş hakimiyyət komandasında qərarlaşa bildilər. Özlərini doğruldurlarmı? Prezidentin onlara göstərdiyi etimada layiq fəaliyyətdədirlərmi?

DİA.AZ olaraq bu yöndə araşdırma aparmaq qərarını verdik və ilk obyektimiz Dövlət Gömrük Komitəsinin sədri Səfər Mehdiyevdir. Yerli KİV-də səslənən ittihamlardan da aydın olur ki, əslində Səfər Mehdiyev məhz Prezidentin hədəfə aldığı KÖHNƏ ƏNƏNƏLRİN ən bariz daşıyıcılarından biri, hətta ilhamverici qüvvəsi olub. Amma buna rəğmən önə çəkilən Səfər Mehdiyev DGK rəhbərliyinə gətirilərək yeni siyasətin aparıcılığı etimadına layiq görüldü. Onun yeniləşməyə nə qədər sədaqətli olduğunu təxmin etmək o qədər də çətin deyil.

Hər halda, gəldiyi ilk gündən qohum-əqrəbasını, dost-tanış çevrəsini ayrı-ayrı gömrük strukturlarına yerləşdirən Səfər Mehdiyevin ilk işinin məhz köhnə DÜŞMƏNLƏRİNDƏN qisas almaq olduğunu görəndə də təxmin edə bilərdik ki, əslində DGK-nın birinci müavinliyindən DGK sədrliyinə gətirilən bu adam yalnız gözə kül üfürməklə məşğul olacaq.

DİA.AZ-ın araşdırmalar zamanı əldə etdiyi bilgilərdən də aydın olur ki, bu günə qədər Səfər Səfər Mehdiyevin əli ilə həbsə atılan bütün keçmiş gömrük işçiləri nə zamansa onunla problem yaşayanlar olub. Eləcə də Səfər Mehdiyevin “kadr islahat” adı altında işdən çıxardığı nüfuzlu gömrükçülər də məhz onun birinci müavinliyi dövründə konflikt yaşadığı fiqurlardır.

Yəni gömrük sistemini ilk əvvəl öz maraqlarına uyğun şəkildə kadrlaşdıran Səfər Mehdiyev ardından da “dərə xəlvət, tülkü bəy” deyib “yuxarılara” yeni nağıllar oxumağa başladı. Doğrudur, əvvəlki rəhbərlikdən fərqli olaraq Səfər Mehdiyev yetərincə “insaflı” görünməkdədir. Məsələn, əgər dünənə qədər gömrükdə yığılan pulların 60-70 faizi büdcədən gizlədilirdisə, indi bu rəqəm kifayət qədər aşağı düşüb: 40-50 faiz. Yəni bu gün də əslində heç nə dəyişməyib və dövlət büdcəsinə özünü şərik kimi qoşan Səfər Mehdiyev əslində yeniləşmə siyasətində yamaq təsirindən başqa bir kimsə deyil və onu yalnız belə təsəvvür edə bilərik: İslahat dalğasını tərsinə üzən komitə sədri…


Paylaş: