Koronavirus pandemiyasının yayılmasının qarşısını almaq məqsədi ilə metronun fəaliyyəti dayandırılıb və Bakı Nəqliyyat Agentliyi metrolararası eskpress xətlər üzrə ( M-2, M-4) marşrut avrobusları istifadəyə verib. İstifadəyə verilən xətlərə isə Baku-Bus MMC-yə məxsus yeni marşrutlar buraxılıb.

Sözügedən marşrutlar yalnız metroların qarşısında saxlayaraq sərnişin götürür. Bu gün isə paytaxt küçələrində köhnə marşrut avtobusu M-2 xəttinə buraxılıb. Fotolardan da göründüyü kimi, marşrut nəzərdə tutulan dayanacaqdan kənarda saxlayıb, kart sistemi ilə işləmir, sərnişinlərdən ödənişləri isə konduktor yığır.

Məsələ ilə bağlı Cebhe.info-ya açıqlamasında Bakı Nəqliyyat Agentliyinin mətbuat katibi Mais Ağayev bildirib ki, sərnişin tələbatını qarşılamaq üçün ekspress xətlərə daha az sərnişin tələbatı olan xətlərdən nəqliyyat vasitələri cəlb edilir:

"Əsasən günün pik saatlarında ehtiyat avtobuslar cəlb olunur. Eyni zamanda qeyd edim ki, ekspress xətlər üzrə avtobuslar üçün müəyyən olunmuş dayanacaq məntəqələri var. Bunlar əsasən metro stansiyalarının çıxışında olan dayanacaq məntəqələridir. Bu fotodakı avtobus da M2 ekspress xəttinə ehtiyat olaraq cəlb edilib. Avtobusun bu formada dayanacağa daxil olması, metrodan kənar yerlərdə sərnişin mindirib-düşürməsi doğru deyil. Avtobusun aid olduğu “Çinar Trans” MMC-yə bununla bağlı irad bildiriləcək və bu kimi halların aradan qaldırılması üçün tapşırıq veriləcək".


Paylaş: