Məlum olduğu kimi, bir müddət əvvəl Dövlət Təhlükəsizlik Komitəsi (DTX) fəaliyyətində nöqsanlara yol vermiş icra başçılarına qarşı əməliyyat keçirdi.

Əməliyyat çərçivəsində Ağstafa rayon İcra Hakimiyyətinin başçısı Nizaməddin Quliyev, Neftçala rayon İcra Hakimiyyətinin başçısı İsmayıl Vəliyev, Biləsuvar rayon İcra Hakimiyyətinin başçısı Mahir Quliyev, Yevlax İcra Hakimiyyətinin sabiq başçısı Qoca Səmədov, İmişli rayon İcra Hakimiyyətinin başçısı Vilyam Hacıyev və onların müavinləri, rəhbərlik etdikləri qurumda digər vəzifəli şəxslər Dövlət Təhlükəsizlik Xidməti (DTX) tərəfindən saxlanılaraq məhsuliyyətə cəlb olunub.

Məlumdur ki, icra baçıları hakim Yeni Azərbaycan Partiyasının üzvləridir.
Maraqlıdır, həbs olunduqdan sonra sabiq icra başçıları YAP üzvlüyündən çıxarılıb?

Cebhe.info xəbər verir ki, həbs olunan icra başçılarından yalnız biri, Biləsuvar rayon İcra Hakimiyyətinin keçmiş rəhbəri Mahir Quliyev Yeni Azərbaycan Partiyasının (YAP) üzvlüyündə saxlanılıb. YAP-ın rəsmi saytında yerləşdirilən “Biləsuvar təşkilatı” haqqında məlumatda sabiq icra başçısı həm rayon təşkilatının İdarə Heyəti, həm də Siyasi Şurasının üzvləri arasındadır. Həbs olunan digər icra başçılarının adları isə rayon təşkilatlarındakı üzvlər sırasından çıxarılıb.


Paylaş: