Qarabağın azadlığı uğrunda dövlətimiz tərəfindən əks-həmlə ilə başladılan savaş bütün xalqımızda böyük ruh yüksəkliyi yaradıb. Hətta Azərbaycanın hazırki ərazilərindən kənarda yaşayan soydaşlarımızın qəlbi də bu gün vətən üçün atır, hər kəs vətən naminə bu AZADLIQ YÜRÜŞÜNDƏ iştirak etmək istəyir.

Diplomatik mənbələrdən daxil olan informasiyaya görə, hazırda Rusiyada yaşayan və əsgərlik yaşı çatan minlərlə gəncimiz bu gün Azərbaycan Ordusunun sıralarında xidmət etmək üçün Rusiyadakı səfirlik və konsulluqlarımıza müraciət ediblər.

Mənbə dia.az-a bildirir ki, onların əksəriyyəti rusiya vətəndaşı olduqlarından və Azərbaycan Ordusunda xidmət etmələri bu səbəbdən mümkün olmadığından qarşılarındakı hüquqi baryeri aşa bilmələri üçün qollarını çırmayıblar.

Məlumata görə, artıq minlərlə Rusiya vətəndaşı olan gəncimiz RF-də müvafiq qurumlara Rusiya vətəndaşlığından imtina üçün müraciət ediblər.

QƏLƏBƏ BİZİMLƏDİR!


Paylaş: