Artıq isti havalar yerini soyuq, yağışlı payız mövsümünə verir.

Belə havalarda yarana biləcək problemlərin qarşısını almaq üçün Bakı Şəhər İcra Hakimiyyəti qışa hazırlığa yaydan başlayıb.

Bakı Şəhər İcra Hakimiyyətinin nəzdində olan Mənzil Kommunal və Texniki Xidmət Sahəsindən Cebhe.info-ya verilən məlumata görə, İcra Hakimiyyəti tərəfindən hava şəraitinə uyğun olaraq tədbirlər planı hazırlanır:

“Hazırda təkcə yağış yağır. Bizdə əsas qar yağan zaman ciddi tədbirlər planı hazırlanır. Bakı Şəhər İcra Hakimiyyətində də, rayonlarda da xüsusi komissiyalar var. Həmin komissiyalar tərəfindən tədbirlər planı qəbul olunur.

Həmin şəraitə uyğun olaraq iş bölgüsü müəyyənləşdirilir və həmin bölgüylə də iş görülür.

Məsələn, hazırda yağışlı hava şəraitinə görə, “Azərsu”, qurumun kanalizasiya idarəsi su kanalizasiyalarının, yağış suyunu yığan şəbəkənin yuyulması, təmizlənməsi işlərini görür. Bakının qışda qarlı hava şəraitinə hazırlıq prosesinə nəzarət də bizim öhdəliyimizdədir. Qar yağanda, yaxud qışda hava kəskin dəyişəndə, iş bölgüsü olacaq və bu məsələlər həll olunacaq”.


Paylaş: