“Cəlilabad Şərab-2” ASC və “AVANQARD” MMC şirkəti ölkəmizin ərazi bütövlüyü uğrunda vuruşan Milli Ordumuza dəstək olmaq məqsədilə Silahlı Qüvvələrin Yardım Fonduna hərəsi ayrılıqda 50 000 manat vəsait köçürüb.

Şirkət rəsmiləri hər kəsi bu aksiyaya fəal qoşulmağa dəvət edir və torpaqlarımızın düşmən işğalından tez bir zamanda azad olunmasını, cəbdəhə döyüşən hər bir Azərbaycan Əsgərinə möhkəm cansağlığı, tükənməz ruh yüksəkliyi və mübarizə əzmi diləyir.

Xatırladaq ki, Silahlı Qüvvələrə Yardım Fondu ölkə Prezidentinin 17 avqust 2002-ci il tarixli fərmanı ilə yaradılıb. Fondun əsas vəzifəsi ölkənin etibarlı müdafiəsi üçün Silahlı Qüvvələrin inkişafını və onun maddi-texniki bazasının möhkəmləndirilməsini, həmçinin hərbi qulluqçuların sosial müdafiəsinin daha da gücləndirilməsini təmin etməkdir.


Paylaş: