“Nazirlər Kabinetinin qərarından da görünür ki, növbəti həftələrdə və aylarda sanitar-epidemioloji vəziyyət nəzərə alınmaqla, tədrisdə müəyyən hibrid və əyani formaya keçid gözlənilir”. Bunu Təhsil Nazirliyinin Ümumi təhsilin təşkili və idarəolunması şöbəsinin müdiri Orxan Abbasov bildirib. Onun sözlərinə görə, Təhsil Nazirliyinin müvafiq şöbələri digər aidiyyatı qurumlarla birlikdə bu prosesi izləyir: “Əgər həqiqətən də ölkədə sanitar-epidemioloji vəziyyət təhlükəli həddə olmasa, bu dəyişikliklər nəzərə alınacaq və bu, ictimaiyyətin nəzərinə çatdırılacaq. Amma məlumdur ki, bu virusun nə zaman və necə sürətlə yayılacağını heç kim bilmir. Məsələn, tədris başlayana qədər ölkədə sanitar-epidemiolji durumun ən yaxşı olduğu bölgələrdən biri Quba idi, amma ilk bağlanan məktəb də Qubanın ucqar kənd məktəbi oldu”.

O.Abbasov onu da qeyd edib ki, dərslərin hibrid keçirilməsi dərs yükünün artırılması demək deyil: “Müəllim nə qədər dərs saatı keçməli idisə, o qədər də dərs keçir. Bununla bağlı Təhsil Nazirliyi tərəfindən müxtəlif təlimatlar hazırlanıb”.


Paylaş: