Bir neçə saat əvvəl Ukraynadakı hərbi bazalardan birinə qalxan Türk istehsalı “Bayraktar TB2” pilotsuz hava vasitəsi Krımın şimal sərhədlərinə uçub.

Ovqat.com-un rus mediasına istinadən verdiyi məlumata görə, PUA Xerson bölgəsində radarlara “ilişib”, daha sonra radara açıq izlənmə cihazını bağlayaraq “gözlərdən itib”. Bu da PUA-nın Rusiya sərhədlərindən içəri keçməsi ehtimalına yol açır.

Rus hərbi dairələri PUA-nın hansı dövlətə məxsus olduğunu, nə məqsədlə Krımın şimalında peyda olduğunu və az sonra niyə “ərşə çəkildiyini” anlaya bilmirlər. Bir çox ekspertlər isə bu gizli manevrin rus radarlarının gözündən yayınma qabiliyyətinin yoxlanılmasıyla əlaqədar ola biləcəyini düşünürlər. Halbuki Qarabağdakı son döyüşlərdə “Bayraktar TB2” bu məharətini kifayət qədər ortaya qoymuşdu. Savaş sırasında “Bayrak”-lar Rusiya istehsalı “Tor” hava müdafiə raket sistemi, S-300-ləri rahatlıqla keçə bilmiş və hətta onları zərərsizləşdirmişdi. Odur ki, PUA-nın bir daha öz məharətini göstərməsi üçün heç bir zərurət yoxdur.

Rus hərb ekspertləri onu da istisna etmirlər ki, PUA-nı sınaqdan çıxaran Türkiyə yox, Krım və Donbassın işğaldan azad olunması əməliyyatlarına hazırlaşan Ukrayna ola bilər. Məlumdur ki, Türkiyənin Liviyada rus muzdluları olan “Vaqner” dəstəsinə qarşı uğurlu əməliyyatlarından sonra Ukrayna döyüşün əsas aparıcı gücü “Bayraktar”-a göz salmış və sayda bu PUA-lardan almışdı. Dağlıq Qarabağ müharibəsində “Bayraktar”ın əsl dastan yazmasından sonra Ukrayna Türkiyə ilə hərbi əməkdaşlığı daha çox artırmağa qərar vermişdi.

Mümkündür ki, Ukrayna bu təhlükəli və gizli manevrləri ilə rus silahlarının ermənilərinin əlindəmi, yoxsa ümumiyyətlə “Bayraktar” önündəmi uğursuz olduğunu yoxlamaq istəyib. Əgər elədirsə, qəbahətin ermənilərdə yox, rus silahlarında olduğu aydınlaşıb.


Paylaş: