"Xalq Sığorta" ASC şirkətinin qanunsuzluğu davam edir, indi də Mərkəzi Bankı aldadırlar".

Vətəndaş Tofiq Axundov Mubahise.az-a müraciət edərək bildirib ki, noyabrın 21-də Bakının Səbail rayonu ərazisində "VAZ - 2106" markalı 90-BXNG-230 (məktubda belə qeyd edilib) nömrəli avtomobillə onun idarə etdiyi "Wolksvagen Passat" markalı 10-ZZ-180 nömrəli maşın toqquşub.

Nəticədə T.Axundovun avtomobilinə 4500 manatlıq maddi zərər dəyib. Lakin "Xalq Sığorta" ona cəmi 1700 manat pul təklif edib. Vətəndaş isə bununla razılaşmayaraq, Mərkəzi Banka şikayət edib.

Bununla bağlı nəzarətedici orqan olan Mərkəzi Bankın müraciətinə cavab olaraq "Xalq sığorta" tərəfindən yalan məlumat verilib. Şirkət Mərkəzi Banka bildirib ki, zərərçəkənlə əlaqə saxlanılıb və o, heç bir şikayəti olmadığını bildirib. Halbuki, Tofiq Axundov dəyən zərər ödənilmədiyi üçün hələ də şikayətçidir.




Paylaş: