"Şikayətim "Express Bankdan"dır. Deməli bu "gözəl" bank belə bir siyasət irəli sürüb ki, krediti öncədən ödəyirsən, bank isə artıq məbləği otuzdurur kredit hesabı üzərindən açılmış cari hesaba və artıq qalan məbləğ ay-ba ay həmin hesabdan silinir". DİA.AZ bildirir ki, bu barədə sosial şəbəkədə paylaşım edilib.

Narazı vətəndaş daha sonra yazır: "Nəticə etibarı ilə siz güman edirsiniz ki, öncədən artıq məbləğ ödədiyiniz üçün faiz az hesablanacaq, amma bank öz bildiyi kimi hərəkət edib, sizin pulu "qırağa" atır və qrafik üzrə ödənişləri qəbul edir.

O zaman da siz rahat olursunuz ki, bəs məbləğ az qalıb artıq, faiz də az gələr... Deyir, sən saydığını say, gör "Express Bank" nə sayır..."


Paylaş: