Ekologiya və Təbii Sərvətlər Nazirliyi içməli sudan texniki məqsədlər üçün istifadə olunmasını, su itkilərinə yol verilməsini doğru hesab etmir.

regionxeberlericom.az-un Lent.az-a istinadən məlumatına görə, bunu Ekologiya və Təbii Sərvətlər Nazirliyinin mətbuat katibi İradə İbrahimova deyib.

Mətbuat katibi əlavə edib ki, içməli suya qənaət edilməsi üçün əhali sudan düzgün istifadə etməlidir: “İçməli suyun başqa məqsədlərlə istifadəsinə qadağa qoyulmalıdır. İçməli su ilə xalça, avtomobil yuyulması, təsərrüfatların suvarılması kimi halları aradan qaldırmaq lazımdır. Ən vacib məqamlardan biri isə suya yanaşma tərzinin dəyişməsidir. İnkişaf etmiş ölkələrdə bu vasitə təbii resurslara, içməli suya qənaət etməyə imkan yaradan ən güclü vasitə hesab olunur. Gələcəkdə su qıtlığı ilə üzləşməmək üçün hamı sudan qənaətlə, səmərəli istifadə etməlidir”.


Paylaş: