İsmayıllı Rayon İcra Hakimiyyəti “Parlaq-N” MMC ilə toplam maliyyə dəyəri 196 042.94 AZN olan 3 müqavilə imzalayıb. Reportyor.info xəbər verir ki, müqavilələrdə İsmayıllı şəhəri, Şəhidlər Xiyabanı və Heydər Əliyev adına parkda cari təmir işlərinin, İsmayıllı şəhəri N.Tusi küçəsinin, həmin küçədə yerləşən modul tipli xəstəxananın ərazisində, icra hakimiyyətinin binası qarşısında yerləşən mərkəzi meydanda, Babək küçəsində və şəhərin giriş hissəsində abadlıq işlərinin həyata keçirilməsi nəzərdə tutulur.
İqtisadiyyat Nazirliyi yanında dövlət vergi xidmətinin reyestr məlumatlarına əsasən “Parlaq-N” MMC 18 yanvar 2012-ci ildə qeydiyyata alınıb. Hüquqi ünvanı Füzuli rayonu, Horadiz şəhəri, Xanlar, ev 5-də yerləşən şirkətin nizamnamə kapitalı 20 AZN-dir. MMC-nin qanuni təçsilçisi isə Şıxıyev Ağabala Mirbəkir oğludur.



Paylaş: