Milli Məclisin sabiq deputatı Etibar Hüseynovla Vətəndaş və İnkişaf Partiyasının sədri Əli Əliyev arasında qalmaqal yaranıb.

Pravda.az-ın xəbərinə görə, gərginlik təhqir səviyyəsinə yüksəlib.

E.Hüseynov Ə.Əliyevin Yeni il bayramı ilə bağlı müraciətini paylaşaraq yazıb: “Bu, Azərbaycanda siyasi hakimiyyətə, yəni prezident olmaq iddiasında olan birisinin xalqa Yeni il münasibəti ilə müraciətindən bir hissədir. "Küçə uşağı"nın jarqonuyla danışır. Xalqa yalan danışan siyasətçiləri "küçə fahişəsi" adlandırır. Özü isə hər gün xalqa yalan danışmaqla məşğuldur. Bu yalanlarını üzünə sübut etmək üçün onu istənilən redaksiyada debata çağırdım ki, gəl, xalqa söylədiyin yalanların mənbəsini göstər. Qorxusundan gəlmədi. Müraciət olunsa da telefon bağlantısına da qoşulmadı. Əvəzində öz “Facebook” səhifəsində çıxışlarımdan bəzi hissələri kontekstdən çıxarıb təhqiramiz roliklər düzəldib paylaşdı. Trollarına haqqımda olmazın təhqirlər yazdırdı”.


Paylaş: