Artıq 3 gündür ki, məktəblərdə əyani tədris qismən bərpa edilib.

İlk olaraq 1-4-cü siniflər şagirdləri mktəbə gedir. Fevral ayının 15-dən isə yuxarı sinif şagirdlərinin məktəbə gedəcəyi ehtimalı var.

Məktəblərin açılması məktəbli formasına olan ehtiyacları da gündəmə gətirir. Ötən il mart ayından bu günədək məktəblərdə əyani tədrisin demək olar ki, tətbiq edilməməsi formalarının da satışına təsir edib.

Bəs hazırda məktəbli forması satan mağazalarda vəziyyət necədir, satış varmı?

Bu barədə Cebhe.info-ya açıqlamasında “Bakı Tikiş Evi”-nin (BTE) satış şöbəsinin müdiri Etibar Əzimov bildirib ki, hazırda mağazalarda vəziyyət normaldır:

“Mağazalarda satış var, gəlirlər. Təxminən gün ərzində 8-10 forma alırlar. Kim almıyıbsa, gəlir alır”.

Onu da əlavə edək ki, məktəbli forması mağazalarında I-VI siniflər üçün nəzərdə tutulan 26-44 ölçülü məktəbli formalarının qiyməti 40 manat, yuxarı ölçülər isə 46 manatadır. Məktəbli köynəkləri və jiletlərin hər birinin qiyməti isə 8 manatdır.


Paylaş: