“Bakıda rəhbərlik etdiyim şirkət qədər bina tikən ikinci özəl şirkət yoxdur. Hamı məni “Şərurlu İsfəndiyar” kimi tanıyır. Kimsə deyə bilməz ki, bir mənzil iki nəfərə satılıb”.

Pravda.az-ın xəbərinə görə, bunu iş adamı İsfəndiyar Axundov deyib.

O, sadə həyat tərzi sürdüyünü bildirib: “Bir avtomobilim var, onu da özüm idarə edirəm. Bəzi çirkin insanlar qəbul edə bilmirlər, niyə belə edirlər bilmirəm. Kimsə deyə bilməz ki, İsfəndiyar 1 manatımızı yeyib, saxta sənəd verib. Kim belə faktı sübut edərsə, 1 ev əvəzinə 100 ev verərəm. Qara qüvvələr var. Tanınmış insan olmaq o qədər yaxşı deyil, çox əziyyət verirlər, yalan yazırlar. Bezirik. Bir gün sakin qapıdan ağlaya-ağlaya içəri girdi: “Deyirlər, sən qaçmısan...” Dedim, niyə qaçım? Dedi, pulumu ver, gedim. Vəsaiti qaytardım, getdi. Sonra yenidən gəldi ki, alıram, qaçmadın... Bizə qarşı yalan, təxribatlardan əl çəksinlər. İnsanlar bəzi hallarda paxıl olurlar. Hörmət edirsən, istəyir, gəlsin hər şeyi əlindən alsın, yerində otursun”.


Paylaş: