Regionxeberlericom.az » Sosial » Rektor Mustafa Babanlının imtahan biznesi ... - ADNSU-nun müəllim və tələbələri rektordan niyə narazıdır?

Rektor Mustafa Babanlının imtahan biznesi ... - ADNSU-nun müəllim və tələbələri rektordan niyə narazıdır?

2015-ci ildə Mustafa Babanlı Azərbaycan Dövlət Neft və Sənaye Universitetinin ( ADNSU ) rektoru təyin ediləndə hamı düşünürdü ki, tezliklə tədris ocağında müsbət dəyişikliklər olacaq. Ancaq atalar demişkən, sən saydığını say, görək Mustafa Babanlı nə sayır...
Bəli, Mustafa müəllim az vaxtda sübut etdi ki, o, saymağı gözəl bacarır.
Məsələn, universitetin tələbələri deyir ki, Mustafa Babanlı tələbələri kəsməklə, universitetin hesabına əlavə pul ödənilməsini və həmin pulların dolayı yolla mənimsənilməsini həyata keçirir.
Bundan böyük nə ittiham ola bilər, cənab rektor ?
Biz universitetlərdəki “qayıb biznesi” haqda eşitmişik, qayıbın qiymətini də rektorlar müəyyən edir.
Ancaq rektorun tapşırığı ilə qazanc məqsədilə tələbələrin imtahandan kəsilməsi...deyəsən Mustafa müəllimin kəşfidir.
Cənab rektor !
Tələbələr yazır ki, Mustafa Babanlı Azərbaycan Dövlət Neft və Sənaye Universitetinə rektor təyin ediləndən buradakı vəziyyət dözülməz hala çatıb, özbaşınalıqların, haqsızlıqların sayı hesabı yoxdur.
Bəs, buna nə deyirsiniz, cənab Babanlı ?
Yaxşı, tələbələrin narazılıqlarını haqq-hesab dəftərinin hanısısa küncünə yaza bilərsən. Bəs müəllim, alim həmkarların niyə səndən narazıdır, Mustafa müəllim ?
Təkcə narazı deyil e, sizi məhkəməyə veriblər, öz haqlarını tələb edirlər.
Buyur, bu da əlahəzrət FAKT .
Azərbaycan Dövlət Neft və Sənaye Universitetinin dosenti Rəna Gülmalıyeva universitetin rektoru Mustafa Babanlını məhkəməyə verib. Və 15 min manat təzminat tələb edir.
Görəsən, 11 il universitetdə müəllim işləyən, bu müddətdə bircə dəfə töhmət almayan Rəna müəlliməyə təzə rektor 1 ayda niyə 3 dəfə töhmət verib ?
Təsəvvür edirsiniz, 1 ayda 3 dəfə töhmət...
Müəllimə məhkəməyə verdiyi iddia ərizəsində yazır ki, rektor onu zorla işdən çıxartmağa çalışır.
Səbəb isə odur ki, rektorun fakültələrlə görüşü zamanı müəllimə universitetdəki problemlərdən, fakültədaxili qruplaşmalardan danışıb və əlavə edib ki, universitetdə “ölücan müəllimlər” var, yəni adları gedir, maaş alırlar, amma dərsdə olmurlar.
Və dərsə gəlməyən “ölücan müəllim” dərsə gələn müəllimlərdən daha çox maaş alır.
Bəli, yuxarıda əbəs yerə yazmadıq ki, cənab rektor saymağın, haqq-hesabın ustasıdır.
Bütün bunlar azmış kimi Mustafa Babanlı bütün qohumlarını Universitetə işə götürüb. Mustafa Babanlı bacısı oğlu Rusif Hüseynovu ADNSU-də müşavir qoyub və ona çox yüksək maaş yazır. Rusif Hüseynovun həyat yoldaşını isə universitetin Beynəlxalq əlaqələr şöbəsinin müdiri təyin edib. Bu ailə də universitetin pulu hesabına hər ay xaricə gedib-gəlirlər.
Bundan başqa, Azərbaycan Dövlət Neft və Sənaye Universitetinin hər mərtəbəsində bufet-kafe fəaliyyət göstərir. Rektor həmin yerləri icarəyə verib, heç bir vergi də ödəmir.
Buna görə, hətta Vergilər Nazirliyi universiteti cərimələyib də.
Cənab rektor hətta universitetdə magistr təhsili alan qızı Məhsəti Babanlıya da maaş yazır.
Bəli, Mustafa Babanlı universiteti öz şəxsi kantoruna döndərib.
Bəs Təhsil Nazirliyi, müvafiq dövlət qurumları hara baxır ?
''Gündəlik Bakı''nın Araşdırma Qrupu //gundelik-baku.com//

Paylaş:

Müəllif :

Yazar

Tarix:

1-03-2021, 17:34

Sikayət