Suraxanı rayon sakini, I qrup Qarabağ əlili İlqar Məmmədov ”Cümhuriyət” qəzeti vasitəsilə ölkənin 1-ci vitse- prezidenti Mehriban Əliyevaya müraciət edib.

Hazırda hər iki böyrək çatışmazlığından əziyyət çəkdiyini deyən şikayətçi sağlamlığına qovuşmaq üçün böyrək transplantasiyası əməliyyatına ehtiyacı olduğunu bildirib. Bunun üçün isə Qarabağ qazisinin maddi ehtiyacı yoxdur. I qrup əlil səhhəti ilə bağlı Mehriban Əliyevadan kömək diləyib:
“Hazırda Daxili İşlər Nazirliyinin Hospitalında Hemodializ seansı alıram. Günü gündən zəifləyir halsızlaşıram, ölümə doğru gedirəm. Maddi cəhətdən imkansız ailəyik. Həyat yoldaşım da II qrup əlildir. Bu həyata və gələcəyə olan inamımı itirməmişəm. Yaşamaq istəyirəm. Bunun üçün də göydə Allahdan, yerdə Sizdən köməklik gözləyirəm. Bu əməliyyatı həyata keçirmək üçün maddi yardıma ehtiyacım var. Yalnız böyrək köçürülməsi ilə sağalmağım mümkündür. Bunun üçün nə donorum, nə də pulum var. Donorum olmadığına görə əziyyət çəkirəm. Müraciətimi nəzarətinizə götürərək köməklik göstərməyinizi Sizdən çox xahiş edirəm. Mən Azərbaycanın ərazi bütövlüyü uğrunda gedən döyüşlərdə mərdliklə vuruşmuş, xəsarət alan “Qarabağ” qazisiyəm. Dövlətimizin qurulmasında 1993-cü il tarixində Lənkəran hadisələrində Azərbaycanın suverenliyi, müstəqilliyinə qarşı baş verən dövlət çevirilişinə cəhdin qarşısının alınmasında fəal iştirak edən, əzab əziyyət çəkmiş insanlardan biriyəm.

Vətən üçün dövlət üçün torpaq üçün döyüşən xəsarət alan və sağlamlığını itirən Qarabaq qazisinə Sizdən başqa kim yardım edəcək? Mən inanıram ki, siz mənə köməklik edəcəksiniz. Əvvəlcədən sizə öz təşəkkürümü bildirirəm. Çox xahiş edirəm, mənə köməklik edin, sağlamlığıma qovuşum”.


Paylaş: