Artıq bir müddətdir ki, Prezident Aparatının ictimai-siyasi şöbəsinin sabiq rəhbəri Əli Həsənovun idarəçiliyindən çıxaraq SOCAR-ın tabeliyinə verilən “Xəzər Tv” özünün yeni inkişaf mərhələsinə qədəm qoyub.

İddialara görə, televiziyanın təhvil-təslim edilməsi zamanı öz iş otağından çıxmaq istəməyən kanalın sabiq rəhbəri Şamxal Həsənov “Xəzər TV”ni əlində saxlamaq üçün bütün vasitələrə əl atsa da, bu mümkün olmayıb.

Etibarlı mənbələrdən KONKRET.az-a verilən məlumata görə, artıq hüquqi baxımdan da Şamxal Həsənov televiziya üzərində nəzarətini tam itirib. Belə ki, televiziyanın rəhbəri kimi Şamxal Həsənovun adı bütün sənədlərdən martın 10-da çıxarılıb. Faktiki olaraq “Xəzər TV”nin rəhbərliyindən uzaqlaşdırılan Şamxal Həsənovun artıq hüquqi baxımdan da televiziya ilə heç bir bağlılığı qalmayıb. Bu isə kanalın gələcək inkişafı baxımından böyük perspektivlər vəd edir.


Paylaş: