Kəpəz rayonun sakini Emin Abdullayev Hurriyyet.org-a müraciət edərək, Sosial Müdafiə nazirliyinin əməkdaşları tərəfindən aldadıldığını bildirib. Birinci Qarabağ döyüşlərinin qazisinə pensiya verilməsi adıyla 130 manat sosial müavinət verilib. Döyüşlərdə yaralanmasıyla bağlı pensiya almalı olan qazi hazırda acınacaqlı vəziyyətdə yaşayır:

“Evim pis vəziyyətdədir. İkinci qurup Qarabağ qazisiyəm. Hazırda vərəm xəstəsiyəm. Döyüşlərdə yaralanmışam. Dərmanlarımı almağa pulum yoxdur. Əhalinin Sosial Müdafiə nazirliyinin şəhər üzrə nümayəndəsi deyir ki, “get bu qərarı dəyiş”. Mərkəzi Hərbi Klinikasının (Papanin hospitalı) rəhbərliyi yanlış qərarı inadkarlığla dəyişmirlər. Sanki, məndən umacaqları var…Hazırda 42 yaşım var. Amma, xəstəliyimlə əlaqədar ailə həyatı qura bilmirəm. Aidiyyatı qurumlardan xahiş edirəm ki, Mərkəzi Hərbi Klinikasının (Papanin hospitalı) rəhbərliyinə mənim işimə düzgün baxılması üçün tapşırıq verilsin. Səkkiz ildir ki, xəstəliyimlə əlaqədar düzgün qayda da pensiya ala bilmirəm. Cəmi 130 manat müavinət alıram. Pensiya verilməsi adıylıa məni aldadıb, 130 manat müavinət verirlər”.


Paylaş: