Ermənistan Xarici İşlər Nazirliyi Gürcüstan-Rusiya sərhədində yük maşınları sürücüləri arasındakı dava zamanı guya bir türk sürücünün erməni həmkarını öldürməsi barədə məlumatı təkzib edib.

Moderator.az xəbər verir ki, bu haqda Ermənistan XİN sözçüsü Anna Naqdalyan “Sputnik Ermənistan”- a açıqlamasında danışıb.
"Gürcüstan və Rusiyadakı diplomatik nümayəndəliklərimiz (Rostov-Don) bu ölkələrin səlahiyyətli orqanları ilə əlaqə qurublar və bu məlumat təsdiqlənməyib"- deyə A.Naqdalyan bildirib.

Bundan əvvəl Gürcüstan XİN-də sözügedən informasiyanı eyni qaydada təkzib edib.

Xatırladaq ki, dünəndən erməni mediası və sosial şəbəkələrdə guya Gürcüstan Hərbi yolunun yaxınlığında kimsəsiz bir ərazidə baş vermiş qarşıdurma nəticəsində türk mənşəli sürücünün bir erməni sürücünü öldürməsi haqda məlumatlar yayılıb.


Paylaş: