Biləsuvar rayon Bəydilli (Bəydili) kənd sakini Abbasova Gülarə Əliabbas qızı Cebhe.info-nun redaksiyasına müraciət edərək, sağlamlıq imkanları məhdud olan 6 yaşlı oğlu Abbasov Sadiq Sahib oğluna (uşaq danışa bilmir və eşitmir) Heydər Əliyev Fondu tərəfindən ayrılan bayram sovqatlarını uzun müddətdir ki, ala bilmədiyini bildirib.

Onun sözlərinə görə, yalnız bir dəfə bayram sovqatı ala bilib. Abbasovlar ailəsi problemlə bağlı Bəydilli kənd icra nümayəndəsi Adil Cəfərova müraciət edərək, kömək istəsələr də, onların şikayətinə heç bir münasibət bildirilməyib.

Çətin şəraitdə yaşayan ailənin hər üç üzvünün (ata, ana və uşaq) sağlamlıq imkanları məhduddur. Lakin buna baxmayaraq, Abbasov Sadiq yenə də fəhlə işləyib, ailəsinin ehtiyaclarını ödəməyə çalışıb.

Abbasova Gülnarə bildirir ki, oğlu 6 yaşlı Sadiqin eşitməsi üçün aparat yerləşdirilməlidir. Lakin ailənin buna maddi imkanı çatmır. Uşağa verilən sosial müavinətlə isə bunu etmək mümkün deyil. Ona görə də Abbasova Gülnarə aparatı almaq üçün imkanı olan şəxs və ya qurumlardan yardım xahiş edib.

Qeyd edək ki, sağlamlıq imkanları məhdud olan 18 yaşına çatmamış uşaqlara Heydər Əliyev Fondundan ayrılan yardımın çatmaması ilə bağlı bənzər şikayətləri araşdırarkən problemi Sosial Xidmətlər Agentliyi icra nümayəndələrinin, onlar da Agentliyin üzərinə atır. Beləcə, iki qurum arasında qalmış vətəndaşlar çıxılmaz duruma düşürlər.



Paylaş: