Bəşəriyyətin tarixi ərzində xeyli sayda epidemiyalar, xəstəliklər tüğyan edib, vəba, taun kimi xəstəliklər minlərlə insanın həyatına son qoyub.
Ancaq son bir ildə yayılan koronavirus, daha dəqiq desək COVİD virusu heç nə ilə müqayisə olunmur.
Təsəvvür edirsiniz, müasir tibb elmi ürəyi, qara ciyəri, hətta az qala beyni köçürə bilir. Amma balaca bir virusun qarşısında müasir tibb elmi aciz görünür. Ən müasir tibbi avadanlıqlar, laboratoriyalar bu virusdan baş aça bilmir, hərə bir fərziyyə danışır.
Son bir ildə dünyanın elm mərkəzləri nə qədər dioqnoz verib, bir ay sonra yalan çıxıb. Yəni bu adi epidemiya, pandemiya deyil, fəlakətdir.
Və dünya bununla ciddi mübarizə aparır.
Ancaq 1 ildir ki, bizim səhiyyə naziri Oqtay Şirəliyev tapılmır, deyirlər qeybə çəkilib.
Bu bilirsiniz nəyə oxşayır ?
Ölkədə dəhşətli müharibə gedir, Müdafiə Naziri, Baş qərargah rəisi gözə dəymir.
Yaxşı Səhiyyə Naziri tapılmır. Bəs o biri qurumun rəhbəri hara qeyb olub.
Söhbət Allah qoymasa, Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlıdan gedir.
Adama deyərlər ki, bu nə qurumdur. Səhiyyə naziri varsa, ( varmı ?) bu TƏBİB nədir. Yox, TƏBİB varsa, Səhiyyə Nazirliyi bizim nəyimizə lazımdır ? Bu nə oyundur.
Yaxşı Oqtay Şirəliyev itkin düşüb, bütün cəmiyyət onu axtarır. Bəs Ramin Bayramlı niyə cəmiyyətin qarşısına çıxıb nəsə bir söz demir ?
Əslində Ramin Bayramlı bu gün nazirdən çox səlahiyyətlərə malikdir. Amma fəaliyyəti hiss olunmur. Daha doğrusu mənfi mənada hiss olunur.
Bu gün qeyri-özəl, yəni bütün dövlət tibb müəssisələri Ramin Bayramlıya tabedir.
Ramin Bayramlı 7-8 ay əvvəl bir imzası ilə Semaşko-nun, yəni 1 saylı “Kliniki Tibbi Mərkəz” publik-hüquqi şəxsin direktoru Dadaşov Ədalət İmamcan oğlunu vəzifədən azad etdi.
Ramin Bayramlının digər əmri ilə Qafarov İlham Heydər oğlu Xəstəxananın direktoru, Məsimov Hüseyn Məcid oğlu isə direktorun müalicə işləri üzrə müavini-baş həkim vəzifəsinə təyin edildi.
Nə dəyişdi, Ramin Bayramlı..?
Bu gün koronavirus pandemiyası ilə bağlı həkimlərimiz öz həyatlarını təhlükəyə ataraq xəstəliklə mübarizə aparırlar. Yəni bu həkimlər də döyüşçü kimi vuruşurlar.
Bəs verdiyiniz sözə niyə əməl etmədiniz ?
Axı, həkimlər gecə-gündüz çalışır, hətta evlərinə getmir, uşaqlarına baş çəkmirlər. Qarşılığında əmək haqqının bir neçə mislini söz vermişdiniz. Bəs nə oldu ?
İndi həkimlər hay salıblar ki, hətta yanvar ayının maaşını ala bilmirik. Hətta bəzi həkimlərin maaşları azaldılıb, əlavələr kəsilib.
Yeni təyin etdiyin direktorun dövlət xəstəxanasında kəsdiyi raconlardan xəbərin varmı?
Budur sənin islahatların, cənab Ramin Bayramlı ?
Növbəti yazımızda ''Semaşko''da baş verən qanunsuzluqlardan geniş bəhs edəcəyik.
Bizi izləyin //gundelik-baku.com//


Paylaş: