Sabirabad rayonunda şəhid ailələri narazıdır. Onların narazı olmasına səbəb də İcra Hakimiyyətinin onların problemlərini dinləməməsidir. Rayonun Vətən Savaşı dönəmində 46 şəhid ailəsinə verilməli olan maddi yardımların mənimsənildiyi iddia edilir. DİA.AZ-a daxil olan informasiyaya görə, Sabirabad Rayon İcra Hakimiyyəti şəhid ailələrinə çatmalı olan qanuni vəsaitləri mənimsəyib. Bununla bağlı olaraq redaksiyamıza müraciət edən şəhid ailələri bildirir ki, şəhid məzarlarının hazırlanması məqsədilə dövlət büdcəsindən onlara çatmalı olan 1200 manat vəsait bu günə qədər verilməyib.

Dəfələrlə icra hakimiyyətinə şikayətə gedənşəhid ailələrini heç kim qəbul etməyib. Sonuncu dəfə aprelin 25-də İcra Hakimiyyətindən onlara bildiriblər ki, başçı Siraqəddin Cabbarov onlarla görüşə bilməyəcək. Şəhid ailələrinin nümayəndələri bildirir ki, aylardır ki, icra başçısı onları qəbul etmir. Dəfələrlə icra başçısı ilə görüşmək istəsələr də, başçı müxtəlif bəhanələrlə onlarla görüşməkdən imtina edib.

Bundan sonra kütləvi olaraq etiraz aksiyası keçirmək və Dövlət Başçısına müraciət edərək Sirqaəddin Cabbarovun istefasını tələb etmək qərarına gəliblər. danişan şəhid ailələrinin nümayəndələri bildirib ki, bu tələblərindən sonra İcra Hakimiyyətində onlarla görüş olub. Lakin şəhid məzarlarının hazırlanması üçün qanuni olaraq onlara ayrılmış hər bir ailə üçün 1200 azn vəsaitin nə vaxt veriləcəyinə dair heç bir konkret söz deyən olmayıb.

Saytımıza danışan şəhid ailələri yaxın günlərdə Dövlət Başçısına müraciət edərək, Sabirabadın icra başçısı ilə bağlı olaraq ölçü götürülməsini rica edəcəklər. Mövzu diqqətimizdədir. Qarşı tərəfin də mövqeyini dinləməyə hazırıq.


Paylaş: