Deputat Sabir Rüstəmxanlı Milli Məclisdə “Dövlət qulluğu haqqında” qanun layihəsinin müzakirəsi zamanı dövlət quruculuğuna qəbul qaydalarindan narazılığını ifadə etdi.

O, dövlət qulluğuna qəbul zamanı həyat təcrübəsinin nəzərə alınmasının vacibliyini xüsusi vurğuladı. “İmtahan ayrıdır, həyat məsələsi ayrı. Elə insanlar var ki hansısa rayonda illərlə işləyib və təcrübə toplayıb. Bu o deməkdir ki, hər şeyi çox yaxşı bilir. Ola bilər ki, testdən yüksək keçəsən, amma gedib hansısa rayonda işləyə bilməyəsən. Adam tanıyıram, 90 bal toplayır, gedib rayonda işləyə bilmir”, - S.Rüstəmxanlı qeyd etdi.

Deputat dövlət qulluğuna qəbulda ciddi dəyişikliklərin aparılmasını bildirdi: “Bu, belə davam edə bilməz!”

Komitə sədri Siyavuş Novruzov da kadrlara münasibətdən şikayətləndir: “İşdən çıxdı, oldu xalq düşməni. Bizim daxili nizamnamədə də var ki, Milli Məclisin üzvü növbəti dəfə seçilmədiyi təqdirdə, o, Milli Məclisin üzvlüyü səviyyəsində işlə təmin olunmalıdır”.

S.Novruzov bildirdi ki, yetişdirilən kadrları birdən-birə kənara atmaq olmaz, onların təcrübəsindən istifadə olunmalıdır.



Paylaş: