"O “patı matı”, digər zir-zibil narkotiklər bilirsinizmi niyə sürətlə yayılır? Çünki işsizlikdi, bekarçılıqdı, real əyləncələr, həzzlər əlçatan deyil”-bunu Moderator.az-a açıqlamasında tanınmış aparıcı Turan İbrahimov deyib. Onun sözlərinə görə gənclərimiz bu yolla uçruma gedir:

“Təhsil yoxdur, mənəvi boşluq və cəhalətdi hər yer. Ona görə də gənclər psixatrop həzzlərə qaçır. Boz həyatlarına süni rəng qatmaq istəyir, tələyə düşür, məhv olurlar. Əslində müasir narkomaniya ailələrdən daha çox millətin faciəsidir. İndi varlılar “nəşə” çəkir, orqanik uyuşur, kasıblarsa sintetik, kimyəvi.

Sintetik, tərkibi ucuz zir-zibil zəhərli maddələrdən olan uyuşdurucular hazırda olduqca ucuz qiymətə, 2-3 manata belə satılır. Məhz bu səbəbdən o cür vasitələr geniş mənada əlçatandır. Vaxtı ilə təbii, ot tərkibli uyuşdurucular geniş yayılmışdı. İndi isə o cür vasitələr həddən artıq bahalı olduğu üçün, yalnız imkanlıların dırnaqarası əyləncəsinə çevrilib”.


Paylaş: