“Azərbaycanda şou-biznes yoxdur, bunların çoxu alt paları ilə gündəmə gəlib, sonradan fəxri ad alanlardır”.

Bunu tanınmış müğənni Ülvi Qılınc Yenicag.az-a açıqlamasındadeyib.

Sənətçi bəzi xalq artistləri ilə bağlı qalmaqallı fikirlər səsləndirib.

Azərbaycanda şou-biznesin olmadığını iddia edən Ülvi müğənnilərin şəxsi əşyaları, geyimləri ilə gündəmdə qaldıqlarını bildirib:

“Sənətlə şou arasında böyük fərq var. Həqiqi sənət adamıdırsa, səni tarix boyu dinləyəcələr. Bizdə heç vaxt şou-biznes olmayıb, toy biznesi olub. Şou-biznes odur ki, konsertinə bilet alıb, gəlib səni dinləyirlər. Müğənnilər gedib oxuyub, şabaş yığıblar. Ş hərfinə görə, yəqin şabaşın adını şou-bizneslə səhv salıblar. Bu şou adamlarının çoxu belədir ki, iki-üç gün efirdə-ekranlarda görünməsələr, unudulur. Aralarında xalq artistləri də var. Çünki sənətləri yoxdur. Şoudan danışanlar dünya ulduzlarının – Madonnanın, Rihannanın konsertlərinə baxsınlar.
Azərbaycanda şou-biznes yoxdur, bunların çoxu alt paları ilə gündəmə gəlib, sonradan fəxri ad alanlardır. Güya ki, müğənnidirlər. Elə bu qaydada da davam etsinlər. Çünki onların sənətləri alt paltarıdır. Sənət nümayiş etdirməsələr də, gözəl alt paltarları var, onları nümayiş etdirirlər”.


Paylaş: