"Ölkədə problemli kreditlərin həcmi sürətlə artır, son 1 ayda artım 2,5% olub, indi ümumi kredit portfelinin 6,1%-i problemli kreditlər təşkil edir - dünyada kritik hədd 3% sayılır, bizdə bu həddi artıq 2 dəfədən çox keçilib".

Pravda.az xəbər verir ki, bunu iqtisadçı ekspert Natıq Cəfərli deyib.

"Ölkə üzrə ən çox problemli kredit Gədəbəy rayonundadı – ümumi kredit portfelinin 14,4%-i problemlidir. Bakı şəhəri üzrə isə bu göstərici 6,4% təşkil edir. Vətəndaşlar da, biznes də götürdüyü krediti qaytarmaqda çətinlik çəkirlər, çünki son 1,5 il pandemiya dövründə hökumət kreditlərlə bağlı ciddi heç bir dəstək proqramı qəbul etmədi, işsizlik və nominal gəlirlərin azalması, kiçik-orta biznesin zəifləməsi problemli kreditlərin artmasının əsas səbəbləridir.

Maraqla bir məqam da var: Ölkə üzrə ən az problemli kredit Naxçıvandadı - Sədərək rayonuda 1% və Şərurda isə 0,8% olub. Məncə, əsas səbəb odur ki, Naxçıvanda kreditlərin əksəriyyətini Vasif müəllimin (Vasif Talıbovu nəzərdə tutur - red) yaxınlarına məxsus olan “NaxçıvanBank” vasitəsi ilə verilib – kim müəllimdən borc götürüb qaytarmaya bilər ki?!" - ekspert əlavə edib.


Paylaş: