“Biz təmayülləşməni Rusiya təhsilindən, "Məktəblinin dostu"nu Gürcüstan təhsilindən kopyalayaraq, yerli təhsil ənənələrini nəzərə almadan tətbiq edirik”.

regionxeberlericom.az Cebhe.info-a istinadən xəbər verir ki, bunu təhsil eksperti Elşən Qafarov deyib.

O qeyd edib ki, ən yüksək tribunalardan da qısa müddətdə təmayülləşməni ölkədəki tam orta məktəblərin 40%-də artıq tətbiq olunduğu deyilir:

“Təmayülləşmənin formal tətbiq olunduğu 4 il ərzində bu səhədə dərsliklər hazırlamadıq, heç olmasa, metodik vəsaitlər hazırlayıb məktəblərə göndərə bilərik. Bunu da edə bilmiriksə, bu təmayülləşməni kopyaladığımız Rusiyada hazırlanmış belə vəsaitləri tərcümə edib müəllimlərin ixtiyarına verə bilərik. Əsas odur ki, müəllim üçün nəsə edə bilək. Müəllimdən tələb etməyə nə var ki ? Amma onun tələblərini də ödəmək lazımdır”.


Paylaş: