Astara şəhər sakini Rəşad Həsənov DİA.AZ-a şikayət ərizəsi ünvanlayıb. Narazı vətəndaş yazır:

"Salam, hörmətli Dia.az saytının rəhbərliyi. Mən 02.07.2014-cü il tarixində 410003015 saylı müqavilə ilə 0,78 AZN məzənnə ilə "Dəmirbank" ASC-nin Bərdə Filalından 8945 (səkkiz min doqquz yüz qırx beş) ABŞ dolları kredit borcu almışam. Kreditin 7613 (yeddi min altı yüz on üç) dollarını devalyasiyadan sonra 1.05 məzənnə ilə qaytarmışam. Lakin adımı "Problemli kredit məlumatların sorğulanması"na borcalan kimi məlumatları daxil etsəm də axtarış üzrə nəticə tapılmadı, yəni adım siyahıda yoxdur. "Dəmirbank" ASC ləğv olunubsa mənim nə günahım var ki, adım "Problemli kredit məlumatların sorğulanması" siyahısında olmasın.Azərbaycan Respublikasının Prezidentinin 28 fevral 2019-cu il tarixli Fərmannın 1.1 bəndi (2015-ci il fevralın 21-nə xarici valyutada mövcud olan əsas kredit borcuna münasibətdə – 1 ABŞ dollarına 0,25 manat (0,15 ABŞ dolları) kimi) mənə şamil olunduğu halda niyə mən bu imtiyazdan məhrum edilmişəm. Mən “Dəmirbank”a artıq ödədiyim məbləği səngərdə xidmət edərək aldığım maaşla ödəmişəm.

Mən Sizə bütün Maliyyə Bazarlarına Palatasında fəaliyyət göstərən Apellyasiya Komissiyasına ödəmə qəbzlərini göndərirəm. 15 aprel 2019-cu il tarixdə də bütün sənədləri Maliyyə Bazarlarına Palatasında fəaliyyət göstərən Apellyasiya Komissiyasına 301,311,2130,1267,6246, 9847,9873 və 9876 saylı müraciətlərlə göndərmişəm. Amma Komissiyanın saytında hər dəfə yazır ki, "Emal zamanı xəta baş verdi". Birdəki Apellyasiya Komissiyasının mənim şikayətimə aid məlumatlar bölməsində yoxlanma aparılmadığı halda sorğu göndərilib.Əgər bir məlumat yoxlanılmayıbsa necə sorğu göndərilə bilər?Sadəcə mən dövlət orqanlarına "Dəmirbank"ASC barəsində şikayət etdiyimə görə məni süründürürlər. Bütün sənədləri Maliyyə Bazarlarına Nəzarət Palatasının nəzdində yaradılmış Apellyasiya Komissiyasına təqdim etmişəm. Lakin şikayətimə baxılmadan, məni süründürmək üçün daha 30 iş günü şikayətimə baxılma müddətimi uzatdılar.Məgər bir insanı şikayət etdiyinə görə incitmək olarmı?
Xahiş edirəm köməklik göstərəsiniz".


Paylaş: