"Hazırda Azərbaycanda müvafiq yoxlamalarda hələ ki koronavirusun yeni ştammı ("Mü") aşkar edilməyib.

Bunu Bizim.Media-nın sorğusuna cavab olaraq Tibbi Ərazi Bölmələrinin İdarəetmə Birliyindən (TƏBİB) bildirilib.

Qurumdan qeyd olunub ki, Milli Hematologiya və Transfuziologiya Mərkəzinin genetika mütəxəssisi Ağa Rza Ağayevin bildirdiyinə görə Azərbaycanda “Mu” ştammı aşkar edilməyib.

Qeyd edək ki, “Mu” ştammından əvvəl koronavirusun “Britaniya” və “Delta” ştammları da ortaya çıxmışdı. Bu ştammların yoluxuculuq qabiliyyəti sürətlidir.

“Mu” ştammı isə “Delta”ya nisbətən zəifdir. Alimlər hesab edir ki, müəyyən bir dövrdən sonra virusun mutasiyası nəticəsində yoluxucu, öldürücü qabiliyyətinin zəifləyərək yoxa çıxması gözlənilir. “Mu” ştammının ilə prosesin zəifləməyə doğru gedəcəyi proqnozlaşdırılır.


Paylaş: