Xəbər verdiyimiz kimi ölkə başçısı bir müddətdir ki, xərçəng xəstəliyindən əziyyət çəkən qazimiz Baş-leytenant Qəzənfər Mahmud oğlu Ağayevi üçotaqlı mənzillə təmin edib.

Qazimizin atası Moderator.az-a açıqlamasında ölkə başçısına öz minnətdarlığını bildirib:

"Prezidentimizə çox dərin təşəkkürlərimi bildirirəm. Qəzənfərə Bakı şəhərində üçotaqlı mənzil verildi. İnşallah gələn ay mən də oğluma yeni mənzilində baş çəkməyə gedəcəm. Türkiyədə müayinə olunduqdan sonra Qəzənfərin səhhəti də düzəldi. Hər şey yaxşılığa doğru gedir. Allah dövlətimizi, dövlət başçımızı qorusun. Allahın cəmi şəhidlərimizə rəhmət eləsin, qazilərimizə şəfa versin. Mən media anümayəndələrimizə də çox sağ ol deyirəm, onlar həmişə bizi diqqətdə saxlayırlar."

Qeyd edək ki, Qəzənfər Ağayev 1996-cı il martın 19-da Cəlilabadın Təklə kəndində anadan olub. Vətən müharibəsi zamanı isə Murovdan yüksəkliyi, Suqovuşan və Ağdam uğrunda gedən döyüşlərdə iştirak edib. Bu qəhrəmanlıqlarına görə Baş-leytenant Qəzənfər Ağayev “Vətən uğrunda”, “Suqovuşanın azad olunmasına görə”, “Ağdamın azad olunmasına görə” və “Kəlbəcərin azad olunmasına görə” medalları ilə təltif edilib.



Paylaş: