Dünən Şəki rayonu, Aşağı Göynük kənd sakini Əbdürəhimov Sadıq Məmmədəli oğlu tərəfindən Ekologiya və Təbii Sərvətlər Nazirliyinə ünvanlanan müraciəti təqdim etmişdik: Şəki sakini HƏYƏCAN TƏBİLİ ÇALDI... - ACINACAQLI MƏNZƏRƏ...

Bu gün isə bu şikayətlə bağlı Şəki rayon icra hakimiyyəti DİA.AZ-a cavabını açıqlayıb. Həmin açıqlamanı təqdim edirik:

"Qaldırılmış məsələ ilə əlaqədar Aşağı Göynük kənd qəbiristanlığına baxış keçirilmiş və ərazidə məişət tullantılarının yığılması faktı aşkar olunmamışdır. Sözügedən qəbiristanlığın ətrafına çəkilmiş və ərazisini yoldan ayıran dəmir torlardan kənarda aşkar olunmuş şüşə su qabları və boş qutular həmin əraziyə təhkim olunmuş sosial işçilər tərəfindən dərhal təmizlənmişdir. Qəbiristanlığın ərazisinin qəssaba satılması və digər qeyd olunanlar isə həqiqəti əks etdirmir. Bildiririk ki, kəndlərdə yerləşən qəbiristanlıqlar mütəmadi olaraq təmizlənir və həmin məsələ nəzarətdə saxlanılır".