“Avroviziya-2021” Uşaq Mahnı Müsabiqəsində Ermənistanın qalib gəlməsini süni adlandıranlar da çoxdur. Çünki bu tip müsabiqələrin siyasiləşdiyi çox adama bəllidir. Uşaqlar arasında ən yaxşı ifanın bu dəfə Ermənistana verilməsi isə 44 günlük savaşda ağır məğlubiyyətə uğrayan ermənilərə təsəlli xarakteri də daşıya bilər.

Azərbaycan Demokrat Partiyasının sədri Sərdar Cəlaloğlu isə “Avroviziya-2021”i ciddi müsabiqə adlandırmayıb:

“Mənim üçün siyasi əhəmiyyəti də, ictimai mənası da yoxdur”.

Bizim.Media-ya özəl açıqlamasında Sərdar Cəlaloğlu 5-ci yerə yüksələn Azərbaycan təmsilçisi Sonanın erməni qalib Malenanı təbrik etməsinə də toxunub:

“Tədbirin özü əhəmiyyətli bir tədbir deyilsə, orada kimin özünü necə aparması da o qədər əhəmiyyət kəsb eləmir”.