Dünya ölkələri yavaş-yavaş "QR-kod” adlı yeni, müasir "konslaqer” yanaşmasından imtina etməyə başlayır. Vətəndaşların haqq və hüquqlarını kobudcasına pozan "QR-kod” tədbiqi Britaniya, Danimarka, Hollandiya kimi ölkələrdə ləğv edilib, qonşu Gürcüstanda da "QR-kod”lar, "yaşıl pasportlar” ləğv edilir. Artıq ictimai məkanlara daxil olmaq üçün "kovid-pasport” tələb olunmur”.

Bu sözləri iqtisadçı Natiq Cəfərlideyib. , mövcud durumun izahını bu cür verib:

"Təbiətin özü təbii vaksin olan "Omikronu” yaratdı, virusu adi qrip səviyyəsinə saldı, təsirlərini azaltdı. İndi dünya bu məsələyə münasibətini dəyişib normal həyata geri dönməyə başlayır. Dünyanın azadlıqsevər xalqlarının həftələrdir yüzminlərlə insanların iştirakı ilə aksiyalar keçirməsi də hökumətlərin tutumunun dəyişməsində mühüm rol oynadı. Bizdə isə, qərarların məntiqini anlamaq da mümkün deyil: 15 fevraldan "buster” doza qəbul etməyənlərin "QR-pasportu” ləğv edilir. Çox mənasız qərardır. Yüzminlərlə vətəndaşımız hər iki doz vaksin aldıqdan sonra yoluxub-sağalıb, onların yoluxub sağalması artıq "buster” sayılır, həmin şəxslər nədən əlavə doza vaksin almalıdırlar ki?!”.

N.Cəfərli qeyd edib ki, "buster” dozanı yaşlı insanlara, xroniki xəstəliyi olanlara tədbiq etmək daha doğrudur, lakin ucdantutma hamını mənasız qadağalara görə "buster” vurdurmağa məcbur etmək yanlışdır:

"Yoluxub-sağalma ən gözəl "vaksindir”, ən dayanıqlı immunitet məhz belə yaranır! Lakin belə görünür ki, dünyada da insanların etirazı olmasa mənasız, "konslaqer” tədbiqinə bənzər "QR-kod, yaşıl pasport” yanaşması ləğv edilmir!”.