“Azpetrol Ltd.” MMC 6 milyona yaxın pulunu “Enga Property" MMC-dən ala bilmir. Musavat.com xəbər verir ki, “Azpetrol Ltd.” Borc tələbi ilə bağlı məhkəməyə müraciət edib.

1 saylı Bakı İnzibati-İqtisadi Məhkəməsi “Azpetrol Ltd.” MMC-nin xeyrinə qətnamə çıxarıb. “Enga Property" MMC 5 milyon manat əsas borc, 475 beş min manat faiz borcu, 500 min manat isə əldən çıxmış fayda olaraq cəmi 5 milyon 975 min manat pul ödəməlidir.

Lakin qətnamə 2018-ci ildə çıxarılsa da “Azpetrol Ltd.” Qeyd edilən məbləği ala bilmir.

“Azpetrol Ltd.” Nəsimi rayon İcra şöbəsinin böyük icra məmuru Azər Heydərovun “hərəkətsizliyindən” narazıdır.

Belə ki, “Azpetrol Ltd.” Azər Heydərovun borclu “Enga Property" MMC-nin daşınar və daşınmaz əmlakların olub-olmaması, bank hesablarında pul olub-olmaması barədə araşdırmanın düzgün aparılmamasından narazıdır. Buna görə yenidən məhkəməyə üz tutub.