“Meqa Həyat Sığorta” ASC 2021-ci ili təxminən 182 min manat xalis mənfəət ilə başa vurub.

Şirkətin maliyyə hesabatı xəbər verir ki, 2020-ci illə müqayisədə 2021-ci ildə “Meqa Həyat Sığorta”nın xalis mənfəəti 3,3 dəfə azalıb. Şirkət 2020-ci ili 595 min manat xalis mənfəət ilə bağlamışdı.

2021-ci ildə "Meqa Həyat Sığorta"nın cəmi əməliyyat gəlirləri 952 min manat (o cümlədən sığorta haqları 443 min manat), cəmi əməliyyat xərcləri isə 724 min manat təşkil edib.

Xatırladaq ki, "Meqa Sığorta" ASC-nin 2021-ci ildə xalis mənfəəti 2020-ci illə müqayisədə 1 milyon 807 min manat və ya 31,5% azalaraq 3 milyon 920 min manat təşkil edib. "Meqa Sığorta" 2020-ci ili 5 milyon 727 min manat xalis mənfəət ilə bağlamışdı. //Marja//