Azərbaycan Fitness Bikini üzrə respublika çempionu Cəfərova Lalə Mikayıl qızının hüquq-mühafizə orqanlarına etdiyi müraciətin saytımızda yayılmasına reaksiya verilib. Azinforum.az qarşı tərəf kimi şikayətçinin ittiham etdiyi bloger Cəmil Quliyevin də mövqeyini təqdim edir:

“Lalə Cəfərova kimi özünü təqdim edən bir qadının ölkə rəhbərliyinə müraciətinə baxdım. Qadın məndən etdiyi şikayətdə şər- böhtan xarakterli məlumatlar paylaşır. Vəkilim artiq Azərbaycan Respublikasının Cinəyat məcəlləsinin 147.1 ; 147.2 və 148-ci maddələri ilə xüsusi ittiham qaydasında məhkəməyə şikəyət hazırlayıb. Mən Azərbaycan qanunlarına uyğun hərəkət edirəm. Əgər hər hansı bir qayda qanunu pozuramsa QANUN qarşısında cavab verməyə hazıram. Daxili İşlər Nazirliyindən xahiş edirəm, fəaliyyətimdə hər – hansı qanundankənar hərəkətim varsa, barəmdə müvafiq tədbirlər hayata keçirsinlər.”