3 gün əvvəl - 16 aprel tarixində (saat 14:35) Yeniavaz.com xəbər portalında "Topaz" borcunu vaxtında ödəmir” başlıqlı yazı yayımlanıb. Həmin yazıda Dövlət Vergi Xidmətinin açıqladığı rəsmi məlumatlara istinadən Azərbaycanda idman mərc oyunu operatoru kimi fəaliyyət göstərən “Caspian Tech” QSC-nin (“Topaz” markası) dövlət büdcəsi qarşısında vergi öhdəliyini olduğunu yazmışıq.

Yazının saytda yayımlanmasından 2 gün sonra - 18 aprel tarixində “Caspian Tech” QSC tərəfindən Yeniavaz.com-a məlumatın təkzib olunması üçün məktub göndərib. Məktubda iddia olunur ki, QSC-nin vergi borcu olmayıb.

Bir daha bildiririk ki, "Topaz" borcunu vaxtında ödəmir” başlıqı yazıda qeyd olunan məlumatlar Dövlət Vergi Xidmətinin açıqladığı məlumata istinadən yayımlanıb.

Onu da bildirək ki, hazırda (19.04.2021) Dövlət Vergi Xidmətinin açıqladığı məlumatda “Caspian Tech” QSC-nin döblət büdcəsinə vergi borcunun olmadığı göstərilir.

Məlumat üçün onu da bildirək ki, “Caspian Tech” QSC 19 yanvar 2010-cu il tarixində dövlət qeydiyyatına alınıb. Nizamnamə kapitalı 100 min manat olan QSC-nin qanuni təmsilçisi Məmmədov Vüsal Yaqub oğludur.