Bərdə şəhərində yerləşən və 9 ildir sökülən Mədəniyyət sarayı hələ də bərpa edilmir. Binanın yeni tikintisi nəzərdə tutulsa da, 9 ildən çoxdur ki, inşaat işləri dayandırılıb.

Məsələ ilə bağlı Mədəniyyət Nazirliyindən Trend-in sorğusuna cavab olaraq bildiriblər ki, Bərdə şəhərində Mədəniyyət sarayı binasının yerində Mədəniyyət Mərkəzi binasının tikintisi üçün 31.10.2013 tarixdə podratçı ilə müqavilə bağlanılıb və onun əsasında dəmir beton işləri görülüb, vəsait ayrılmadığından inşaat işləri bu günə kimi yarımçıq qalıb.