Qafqaz Müsəlmanları İdarəsinin (QMİ) sədri Allahşükür Paşazadənin qardaşı, Milli Məclisin deputatı Cavanşir Paşazadə QMİ sədrinin 15 ildir, “qazpulu” ödəməməsi iddiasına münasibət bildirib. C.Paşazadə Pravda.az-a açıqlamasında bildirib ki, Şeyxülislam Allahşükür Paşazadənin 15 ildir “qazpulu” ödəməməsi ilə bağlı səsləndirilən iddialar doğru deyil.

“Bunlar hamısı yalan söhbətlərdir” – o qeyd edib.

Xatırlatma: Xural TV-də A.Paşazadənin 15 ildir, “qaz pulu” ödəməməsi ilə bağlı fikirlər səsləndirilib. Qeyd olunub ki, “Azəriqaz” əməkdaşları Şeyxin Nərimanovdakı villasında reyd keçirib və qeyri-qanuni qaz xətləri aşkarlayıblar.

"Azəriqaz" İstehsalat Birliyindən isə bildirilib ki, qurumda bu barədə məlumat yoxdur.