“Türkiyə Ali Təhsil Şurasının sədri Erol Özvarın ötən ilki açıqlamasına görə, Türkiyədə 25 minə yaxın azərbaycanlı tələbə təhsil alır. Onların bu aydan tətilləri başlayıb, Azərbaycan hakimiyyəti də iyulun 1-dən Türkiyədən Naxçıvana quru yolla giriş-çıxışı bağladığına görə, nəinki Türkiyədə təhsil alan, hətta Türkiyə üzərindən vətənə qayıtmaq istəyən tələbələr acınacaqlı duruma düşüblər”.

Regionxeberlericom.az gununsesi.info-ya istinadla xəbər verir ki, bunu ADR Partiyasının lideri Qubad İbadoğlu deyib.

Onun sözlərinə görə, qardaş ölkədə xroniki inflyasiya və devalvasiya xüsusilə də tələbələr üçün tətil dövründə orda yaşamaq şərtlərini xeyli çətinləşdiri:

“Odur ki, ADR Partiyası olaraq təklif edirik ki, AZAL tələbələr üçün İstanbul, Ankara və İzmirdən Bakıya ya mövcud reyslərində güzəştli qiymətə kvota ayırsın, ya da ayrıca ucuz çarter reysləri təşkil etsin. Ən yaxşı variant onların hər ikisini paralel tətbiq etməkdir. Sizləri bu təklifə dəstək verməyə və problemi ictimailəşdirməyə dəvət edirəm”.