Ümumdünya Səhiyyə Təşkilatı (ÜST) meymunçiçəyindən iki yeni ölüm faktı qeydə alıb. 

Bu barədə məlumat ÜST-ün bugünki hesabatında dərc olunub. 

Beləliklə, ilin əvvəlindən bu yana dünyada meymunçiçəyi virusundan ölənlərin sayı üçə çatıb. Hər üç ölüm halının Afrikada qeydə alındığı bildirilib. 

ÜST-ün baş direktoru Tedros Adhanom Gebreyesus uşaqların meymunçiçəyinə yoluxması barədə də açıqlama verib:

“Uşaqların bu xəstəliyə necə yoluxması barəsində hələlik məlumat yoxdur. Amma infeksiyanın yaxın bədən təması ilə keçdiyini nəzərə alsaq, virusa tutulmuş şəxsin ailə üzvləri, uşaqları və yaxınları ilə məsafə saxlaması vacibdir”, - o, vurğulayıb. 

Xatırladaq ki, indiyədək dünyada ümumilikdə 6027 nəfərin meymunçiçəyinə yoluxması faktı qeydə alınıb. Onlardan sadəcə birinin azyaşlı olduğu bildirilir.