«Pirallah -Çörək» şirkətinin rəhbərliyi dəyişəcək. Regionxeberlericom.az FED.az-a istinadla xəbər verir ki, 30 avqust 2022-ci il saat 11.00-da “Pirallah -Çörək” ATSC səhmdarlarının növbədənkənar ümumi yığıncağı keçiriləcək.

Toplantı Bakı şəhəri, Nobel prospekti 23 nömrəli ünvanda “AMAY” ticarət mərkəzində keçiriləcəkdir.

İclasda “Pirallah –Çörək”ATSC-nin nizamnaməsinin 2-ci yeni redaksiyada təsdiq edilməsi, ATSC-nin təşkilati-hüquqi formasında düzəlişin edilməsi, “Pirallah –Çörək”ATSC-nin müşahidə şurasının üzvlərinin və sədrinin seçilməsi, “Pirallah–Çörək”ATSC-nin idarə heyətinin üzvlərinin və sədrinin seçilməsi, müfəttişin seçilməsi, Cəmiyyətin 2021-ci ilə olan balansının təsdiq edilməsi müzakirə ediləcək.

Gündəlikdəki məsələlərin materialları ilə Bakı şəhəri, Xətai rayonu, Nobel prospekti 23-cü binanın 3-cü mərtəbəsinin 10-cu otağında tanış olmaq mümkündür. Əlaqə nömrəsi (012 - 598 - 83 - 94).