Xəbər verdiyimiz kimi, bir neçə gün əvvəl Sabirabadda özünü yandıraraq intihara cəhd edən qazi Elvin Cəfərov vəfat edib.

Regionxeberlericom.az “Qafqazinfo”ya istinadən xəbər verir ki, Elvin Cəfərovun yas mərasiminə Sabirabad Rayon İcra Hakimiyyətinin rəhbəri Siraqəddin Cabbarov da qatılıb.

O, yas məclisində olan juranlistlərin məlum faciə ilə bağlı suallarını cavablandırıb: “Rəsmi qaydada hər həftənin dördüncü günü mənim qəbul günümdür. Qəbul saatları 5-7 saat çəkir. Əvvəlki dövrlərdə Elvinlə də dəfələrlə görüşmüşəm. Qəbul olmayan günləri də nə vaxt gəlib, onu qəbul etmişəm. Son hallardan isə ümumiyyətlə xəbərim olmayıb. İstər icra nümayəndəsi, istər bələdiyyə, istərsə İcra Hakimiyyəti tərəfindən nə tələbi olubsa, imkan daxilində həyata keçirilib. Daima qayğıda olan qazilərdən, Vətən müharibəsi iştirkaçılarından biri olub”.

İcra başçısının sözlərinə görə, Elvin Cəfərov müharibədən gəldiyi ilk gündən onunla maraqlanıb: “Sonrakı mərhələlərdə də nə tələb edib, həyata keçirilib. DOST MMC tərəfindən ictimai işlərə cəlb olunub. Mənzil növbəsi ilə bağlı sənədləri təqdim edib. Yəqin ki, bu məsələnin üzərində işləniləcək. İstər Qalaqayın bələdiyyəsi, istər Qalaqayın kəndi nümayəndəliyi, istərsə də Sabirabad Rayon İcra Hakimiyəti tərəfindən elə bir hal olmayıb ki, Elvinin qaldırdığı məsələ həlsiz qalsın”.

Siraqəddin Cabbarov eyni zamanda qeyd edib ki, qazi özünü rayon İcra Hakimiyyətinin qarşısında yandırmayıb: “Birincisi, Elvin özünü İcra Hakimiyyətinin qarşısında deyil, Mədəniyyət Sarayının qarşısında yandırıb. İkincisi isə hüquq-mühazifə orqanlarının səlahiyyətində olan məsələni burada araşdırmayaq. Hüquq- mühafizə orqanları bu məsələni araşdırır. Hər şey araşdırılır. Düşünürəm ki, ailənin özü də araşdırmanın nəticələrindən narazı qalmayacaq”.

O vurğulayıb ki, Elvin 1 saylı Respublika Psixiatriya Xəstəxanasında müalicə alıb və qeydiyyatda olub.

Qeyd edək ki, özünü yandırmamışdan əvvəl çəkilən videosunda qazi icra başçısı ilə görüşə bilmədiyindən şikayət edirdi: "Başçının qəbuluna çıxmaq olmur, niyə?! Axı səbəb nədir? İmamdır, peyğəmbərdir?!"

Qazimiz isə BUNLARI DEMİŞDİ ÖLÜMÜNDƏN ƏVVƏL: