“İçərişəhər” Dövlət Tarix-Memarlıq Qoruğu İdarəsinin (DTMQİ) Kiçik Qala küçəsində Qala divarları boyunca yerləşən kafe və restoranlarda apardığı təmir işləri tam başa çatıb”.

Bunu "Report”un sorğusuna cavab olaraq “İçərişəhər” Dövlət Tarix-Memarlıq Qoruğu İdarəsinin Aparat rəhbəri Riad Qasımov deyib.

Onun sözlərinə görə, təmir işləri zamanı Qala divarlarına heç bir ziyan dəyməyib: “İçərişəhərdəki kafe və restoranlar hər zaman Dövlət Tarix-Memarlıq Qoruğu İdarəsinin müəyyənləşdirdiyi norma və qaydalar çərçivəsində fəaliyyət göstərir və həm turistləri, həm də yerli sakinləri yüksək səviyyədə qəbul edirlər. Hər şey idarə tərəfindən əvvəlcədən təsdiqlənən plan əsasında həyata keçirilib. Qala divarının dayanıqlığı və təhlükəsizliyi təmin edilib. Hər bir insan gəlib həmin ictimai obyektlərə baxa bilər ki, divara heç bir zərər dəyməyib. İnsanlar həmin obyektin içində oturaraq özləri divarlara baxa bilərlər”.


Paylaş: