"Naxçıvanda yeni Tərcümə Mərkəzi açılıb". Bunu paylaşımında tanınmış araşdırmaçı-jurnalist Heydər Oğuz qeyd edir.

Daha sonra jurnalist yazır: "Tərcümə mərkəzini Naxçıvan MR Ədliyyə naziri Daşqın Hidayət oğlu Rəhimovun açdığı iddia olunur".

Bildirilir ki, Naxçıvandakı bütün notariuslara sənədlərin bu mərkəzdə tərcümə edilməsi göstərişi verilib.

Məlumatda daha sonra açıqlanır: "Tərcümə mərkəzi Cahan Holdinqin prezidenti Vüqar Abbasovun yaxın qohumunun adına rəsmiləşdirilib. Adını hələ dəqiqləşdirə bilmədiyimiz həmin şəxs Cahan Holdinqin İstanbuldakı nümayəndəliyinə rəhbərlik edir".

Qeyd edək ki, Ədliyyə naziri Daşqın Rəhimov da Vüqar Abbasovun qaynıdır.