""Azəriqaz" İstehsalat Birliyinə sual edirik: Şəkinin Oraban və Baş Kəldək kəndlərində nə vaxt qazlaşdırma olacaq?" Bu barədə sakinlər adından edilən müraciətdə deyilir.

Sakinlər daha sonra yazır: "Bu həm də "Ekologiya və Təbii Sərvətlər Nazirliyini narahat etməlidir. Yerli əhali qaz olmadığı üçün odundan istifadə etməyə məcburdur. Bu da meşələrin məhvinə səbəb olur".

Kənd əhli deyir ki, bu kəndlərin qazlaşdırılmasına sovet dövründə başlamışdılar: "Hökümət (SSRİ) dağıldı yarımçıq qaldı. Kəndlər qaz görmədi!"

Rəsmilər isə deyir ki, ölkə ərazisinin 97%-i qazlaşdırılıb. "Azəriqaz" İstehsalat Birliyinə sual olunur: bu kəndlər 3%-ə daxildi, yoxsa sovet vaxtından yarımçıq qaldığı üçün 97%-in bir küncünə əlavə etmisiniz?