2022-ci il ərzində Beynəlxalq Ədalət Məhkəməsi və AİHM-də Azərbaycan tərəfinin Ermənistana qarşı şikayətləri üzrə tədbirlər görülür və bu, ədavam etməkdədir.

Regionxeberlericom.az APA-ya istinadən  xəbər verir ki, bunu xarici işlər naziri Ceyhun Bayramov ilin yekunlarına dair mətbuat konfransında deyib.

Onun sözlərinə görə, eyni zamanda, bu ay Azərbaycan Ermənistana qarşı 2022-ci ilin may-avqust ayında Ermənistanın Laçın şəhəri və iki qonşu kəndi tərk edərkən yüzlərlə yaşayış yerini yandırması, məhvetməsi ilə bağlı yeni dövlətlərarası şikayət təqdim edib və bununla bağlı ziyana görə kompensasiyanın ödənilməsi tələb edilir.

“Bu proseslərin özünəməxsusluğu var. 2023-cü ilin əvvəlindən tərəfimizdən Azərbaycanın Ermənistana qarşı ətraf mühitə və canlı təbiətə vurulmuş zərər, həmçinin enerji resurslarının və təbii sərvətlərinin qanunsuz istismarına qarşı yeni iddialar irəli sürüləcək”, - nazir vurğulayıb.